စွန့်ရဲတော့ မိငယ်

လူချင်းအတူတူ လမ်းတွေကွဲပြားတယ်

ယုံချင်ယုံ မယုံချင်နေ

ပစ္စုပ္ပန်မှာ ပုံပြင်မရှိဘူးမိငယ်။။

ပဉ္စသိင်္ခရဲ့ နတ်စောင်းသံ

ဟိုအရင်လို စည်းချက်မမှန်တော့ဘူး

ဒီနေ့ကမ္ဘာဟာ ပူလိုက်...ချမ်းလိုက်

ဒေဝဒတ်လို လူမိုက်တွေပဲ ပေါပေါလာတယ်။။

လောဘက လောကကို သွေးတိုးစမ်း

အလိုရမ္မက်တွေ အတက်အကျကြမ်းနေလိုက်တာ

အခုဆို... 

ဘယ်သစ်ပင်မှ ဆေးဘက်မဝင်တော့ဘူးမိငယ်။။ 

ခဏခဏ ခေါင်းငြိမ့်ပြရအောင် ၊ စက်ရုပ်မှမဟုတ်တာ

"ဤ" ချင်"ဤ" ၊ "ကျွဲ"ချင်"ကျွဲ"

တို့စိတ်ကြိုက်ပဲ ဖတ်ကြမယ်

ကိုယ်က... ရင်ဘတ်ကိုဘောင်ခတ်

အတွေးခေါ်တွေ ညဥ့်နက်တာ မကြိုက်ဘူး။။

လေးစားလျက်
အလင်းသစ်