ကြွရောက်လာသောစာချစ်သူများစိတ်၏ချမ်းသာခြင်း၊ကိုယ်၏ကျန်းမာခြင်းများနဲ့ပြည့်စုံကြပါစေ....

Saturday, January 5, 2013

=== အလွမ်းခပ်တဲ့ မှတ်စုများ ===



ကိုယ်တိုင် ကဗျာဖြစ်သွားတဲ့အခါ
ရင်ဘတ်က ဆားမပါသလို
ခံစားချက်တွေကို စားမြိန်စာမဖြစ်စေခဲ့ပြန်ဘူး။။

ကျွန်တော်ကလည်း ကျွန်တော်ပါ
တစ်ခါတစ်ခါဆို
ဆရာ မောင်ချောနွယ်လို
ညီမလေးမမမြင့်ကို နင့်နေအောင်ချစ်တယ်။။

ဆည်းဆာချိန် တိမ်တောက်တိုင်း
အကျည်းတန်သူတွေ ပိုလှနေကြတုန်းပဲ
ကိုယ့်မှာသာ.... 
တစ်ယောက်တည်း အထီးကျန်
ရေအိုးခွဲသံကြားမှ ဘဝခြားတာသိလိုက်ရသလို
လွမ်းတယ်........။။

မကြာခဏ သတိရတတ်ခြင်း...
အဲဒီ...သက်ပြင်းနဲ့ ဓာတ်ပြုတဲ့ တမ်းတမှုကို
အလွမ်းလို့ဆိုကြရင်
ဟိုမနက်ခင်းမှာ နှင်းတွေမဝေစေချင်တော့ပါဘူးကွယ်။။

သန်းခြောက်ထောင်ရဲ့ အပြင်ဘက်မှာ
ဘဝကို အချစ်နဲ့မျှားကြမယ်
ကံကြမ္မာကတော့ ချိတ်ဖျားက ငါးစာပေါ့
တကယ်လို့.... မနက်ဖြန်မှာ နေသာရင်
ကိုယ်တို့အတွက်...
အောက်ဆီဂျင်တွေ ပါလာလိမ့်ဦးမှာပါ။။

ရင်ဘတ်တစ်ခုစာ ထုပ်ပိုးထားတဲ့ပန်းသီးက
ဧဝတစ်ယောက်တည်းအတွက်မှမဟုတ်တာ
အာဒံ မမြင်နိုင်တဲ့နေရာမှာ
မင်းအတွက် တစ်ကိုက်စာတော့သိမ်းပေးထားဦးမယ်။။


အလင်းသစ်
၅.၁.၂၀၁၃ (စနေ)

5 comments:

  1. ရေအိုးခွဲသံကြားမှ ဘဝခြားတာသိလိုက်ရသလို
    လွမ်းတယ်........။။
    ...ဟိုက် ရှာပတ်ရည်
    ကဗျာ တပုဒ် လုံး မိုက်တယ်ကွာ
    စစ်သားကြီးရဲက အသဲနှလုံးက
    နူးညံ့တဲ့ ခံစားချက်တွေကိုမြင်ရတာ
    ရင်သပ်ရှုမော ဖြစ်ရတယ်
    ...လေးစားပါကြောင်းရှင်

    ReplyDelete
  2. အထူးတလည် စောဒက တက်စရာမရှိပါသော...:)
    အရမ်းကောင်းတယ်လို့ ပြောတာပါ...
    နှစ်သက်မိပါ၏...
    နှစ်သစ်မှာလဲ ပျော်ရွှင်နိုင်ပါစေအလင်းရေ..
    ခင်တဲ့....မိုးနတ်

    ReplyDelete
  3. ကဗျာလေး အရမ်းသဘောကျတယ် :D :D

    ReplyDelete
  4. ညီသစ်ရေးတဲ့ ကဗျာတွေ လှတာ

    အထူးစာဖွဲ့စရာ မရှိတော့ပါဘူး ။

    ညီအကိုတွေရဲ့ လက်ရာဆိုတော့

    သိပြီးသားဆိုပါတော့ ... အဟဲ

    ReplyDelete
  5. ကဗျာရော ပုံရောမိုက် :D

    ~ Kk ~

    ReplyDelete

စာဖတ်သူရဲ့မှတ်ချက်တိုင်းဟာ၊စာရေးသူအတွက်အားတွေပါ။။