ပြက်လုံးကိုအဆုံးသတ်တဲ့ ဒီမနက်

မငိုပါနဲ့တော့..အမေ

လူတကာရဲ့မျက်လုံးမှာ ပြက်လုံးအနေနဲ့

"က"ခဲ့ရတဲ့ညတွေအတွက်

ဒီမနက်မှာတော့ သူတို့အသက်တွေနဲ့

ပြည်သူ့မျက်ရည်တချို့ကို

ယို့ယို့လေး သုတ်ပေးသွားခဲ့တာပါ

ဘယ်သူတွေမှ သိစရာမလိုပါဘူးအမေ။။

မီး..မီးတဲ့

ခပ်ကြီးကြီးအသံတစ်ခုက လှုပ်နှိုးတယ်

မိုးတောင်မလင်းသေးတဲ့ ဒီဇင်ဘာမနက်ခင်းပေမယ့်

ဟင့်အင်းလို့..ငြင်းမယ့်ထဲမှာမပါတဲ့သူတွေမို့

ကိုယ့်အသက်တောင် မငဲ့ကွက်ပဲ

မီးအနားကိုကပ် အစွမ်းကုန်ငြှိမ်းသတ်ခဲ့တယ်

နေစမ်းပါကွယ်..ပြောချင်ရာပြောကြပါစေ။။

ဝုန်းဆိုတဲ့အသံကြီးကြောင့် စိုးရိမ်စိတ်တွေကြီးခဲ့ကြ

ဒီမီးကို နိုင်မှနိုင်ပါ့မလားဆိုတဲ့အတွေးနဲ့

ဒဏ်ရာရနေတဲ့သူကတောင် မီးသတ်ပိုက်ကိုမလွှတ်ခဲ့ကြဘူး

တာဝန်ကျေသူတချို့ကတော့ သူရဲကောင်းပီသစွာ

အသက်ကိုစွန့်ပြသွားခဲ့ကြပြီ

နေပါစေ.. ဒါတွေလည်းဘယ်သူမှသိဖို့မလိုဘူး။။

"မီးငြိမ်းပြီလား၊မိုးလင်းပြီလားတဲ့"

ခဏလေးလည်လာတဲ့ သတိမှာတောင်

သူ့အသိထဲ စိုးရိမ်စိတ်ကြီး..စွဲနေခဲ့

ကဲ... ဘယ်သူတွေက ဘာပြက်လုံးတွေ ရေးစပ်ကြဦးမလဲ

သူ့တစ်ဝက်တောင် မပေးဆပ်ရဲပဲနဲ့

အဲဒီပြက်လုံးတွေကို ရယ်ရဲကြသတဲ့လား

ထားပါတော့လေ.. ဒါလည်းပြောမနေတော့ပါဘူး။။

ဒီဇင်ဘာရဲ့နောက်ဆုံးရက်တွေထဲ

တစိမ့်စိမ့်အေးစက်နေတဲ့ ရန်ကုန်ဆောင်းမနက်မှာ

အလျှံတညီးညီး မီးတောက်တွေအောက်

မရွံ့မကြောက်တိုးဝင်ရင်း.. ပေးဆပ်

ပြည်သူတွေရဲ့မျက်ရည်များအတွက်

သူတို့ရဲ့ ခန္ဓာ၊အသက်နဲ့

အလဲအထပ်ပြုပြခဲ့တယ်

ကဲ.. အများအကျိုးအတွက် အသက်စွန့်တာ

သူရဲကောင်းလို့ မမည်ပေဘူးလား..

အဝေးမှာနေ အဝေမတည့်၊ စားခွက်မပျောက်ဖို့

သူများခြေထောက်ကိုဖက်ရင်း၊ တိုင်းပြည်မျက်နှာကိုဖျက်

ကိုယ့်အတွက်ပဲကိုယ်ကြည့်တတ်တဲ့ လေလုံးထွားထွား

ဟို..လူ့ငနွားတွေကတော့ ပြောချင်ရာပြောကြပါစေလေ။။။

((29/12/2011)နေ့ ရန်ကုန်က မေတ္တာမွန်ဂိုထောင်များ မီးလောင်မှုမှာ  မီးသတ်သမားတွေ ဆုံးပါးသွားတာနဲ့  ပါတ်သတ်ပြီး ..သေတာတောင် နဲသေးတယ်၊ များများသေရင်  ပိုကောင်းတယ်လို့ပြောခဲ့ကြတဲ့  နွားထက် ဥာဏ်ရည် နိမ့်သူများကြောင့် စိတ်မကောင်းဖြစ်ရင်း  ကျဆုံးသွားသူ ရဲဘော်များအတွက် လေးစားစွာ ဦးညွတ်ရင်း ဂုဏ်ပြုရေးစပ်ပါသည်။။။ဓာတ်ပုံကို 7day new journal မှရယူပါသည်။။)

လေးစားလျက်

အလင်းသစ်