ကြွရောက်လာသောစာချစ်သူများစိတ်၏ချမ်းသာခြင်း၊ကိုယ်၏ကျန်းမာခြင်းများနဲ့ပြည့်စုံကြပါစေ....

Tuesday, January 24, 2012

ခေတ်ခါး



တွေ့ရဲ့လား အချစ်ရေ...
ဟိုးးးမှာ အိုဇုန်းလွှာ မပေါက်ခင်
လူ့နှုတ်ခမ်းက အပြုံးတွေပျောက်ခဲ့ရပြီ။။

အသိဥာဏ်တွေ ရောင်နီမလာသေးလို့
သုညကို အခွံခွာကြတာ
ခွင့်လွှတ်လိုက်ပါ အချစ်ရယ်...
ငါတို့တွေ "စာ" တတ်နေပြီပဲ။။

မိုးရေကိုယ်တိုင်က အက်စစ်ဖြစ်သွားတဲ့နောက်
အမှန်တရားတစ်ချို့လည်း
သဒ္ဒါမပိုပေမယ့် နားဝင်မချိုတော့ဘူးအချစ်ရယ်
သူတို့တွေ...
ချဉ်ပေါင်ရွက်သည် မစ္စတာမှိုင်းနောက်
ကောက်ကောက်ပါအောင် လိုက်သွားကြပြီ
ဆရာကြီးဦးလွန်းတော့ ဘဝခြားကနေ
ရင်ထုပြီး ရယ်နေလေမလား။။

ဓူဝံကြယ်ကိုကြည့်ပြီး တောင်အရပ်ဆီသွားကြမယ်
ဝံပုလွေယောင်ဆောင်ထားတဲ့ သိုးတစ်ချို့က ရယ်ကြမှာပေါ့
အချစ်ရေ...ဟောဒီကမ္ဘာမှာ Compass တွေပျက်နေပြီကွဲ့
သံလိုက်တွေ သံနောက်လိုက်မှတော့
ကဲ..ငါတို့လည်း
မိုက်မဲမှုတစ်စကို မြည်းစမ်းကြည့်ကြစို့။။

ဘာလို့နောက်ပြန်လှည့်ချင်တာလဲ အချစ်ရယ်
နင့်မျက်ဝန်းကအပြုံးနဲ့၊ ငါ့နှလုံးသားကိုချည်ထားမယ်
ဘာမှမပြောပဲလည်း၊ နားလည်ရဲရမှာပေါ့
ငါတို့နေတဲ့ခေတ်ကိုက ခါးခဲ့ပြီပဲလေ။။

အင်းလျားလမ်းတွေ၊ပုဂံလမ်းတွေ လွမ်းမနေပါနဲ့တော့
ကဲ..ကဲ..မျက်မှန်အနက်ကိုတပ်
ဟိုးမှာနေထွက်လာပြီ အိပ်ကြစို့။။




လေးစားလျက်
အလင်းသစ်


13 comments:

  1. တစ်ချို့ အသုံးအနှုန်းတွေ လိုက်မမှီဘူး..
    ကိုယ်ပဲ ညံ့လို့ ဖြစ်မှာပါ.... :):)
    ကဗျာလေး ခံစားအားပေးလျှက်ပါလို့...

    ReplyDelete
  2. အလင်းရေ ကဗျာကောင်းလေးပဲ
    လာရောက်ခံစားသွားပါတယ်နော်

    ReplyDelete
  3. ခါးတဲ့ခေတ်ကြီးထဲရောက်လာမှတော့ချိုမြိန်တဲ့အတိတ်ကို
    လွမ်းမောတမ်းတနေလို့မရတော့ဘူးပေါ့နော်။
    ကဗျာလေးကခေတ်နဲ့အပြိုင်နွှဲနေတာပါလား အလင်းသစ်ရေ။
    စိတ်ဓာတ်အစဉ်ကြည်လင်အေးမြပါစေကွယ်။

    မေတ္တာဖြင့်
    အန်တီတင့်

    ReplyDelete
  4. မိုက်တယ်ဗျ။ ဆန့်ကျင်ဘက်တွေပေးရင်း ဆန့်ကျင်ဘက်ခေတ်ထဲကို ကျွန်တော်တို့ကို ပို့လိုက်တာ။ စာသားက ထိတယ်။ နေထွက်မှ အိပ်ရမယ်တဲ့လား။ မျက်မှန်နက်ကြီးတပ်ပြီးတော့လေ။ စကားမစပ်- တချို့မှာ စလုံးသတ်မပါပါဘူးခင်ဗျာ။ အလင်းသစ်က မလွမ်းနဲ့ဆိုပေမယ့် ကျွန်တော်တို့ကတော့ တစ်ခါတစ်ခါ အင်းလျားလမ်းကိုတော့ လွမ်းတယ်ဗျာ.။ ဟိုတုန်းက ဘော်ဒါတွေနဲ့ သီချင်းဆိုခဲ့တဲ့နေရာတွေပေါ့။ ခုတော့မရနိုင်တော့ပါဘူး။ ခေတ်ကိုက အလင်းသစ်ပြောသလို ခါးနေပြီကိုး။ ချိုတဲ့ခေတ်တစ်ခေတ်ကို လွမ်းနေဆဲ.......။

    ReplyDelete
  5. အားပေးလျှက်ပါအစ်ကိုရေ ကောင်းလိုက်တာ ဟိုးမှာ နင့်အပြုံးတွေပျောက်ကုန်ပြီ ခံစားချက်ချင်းထပ်တူ
    လေးစာလျှက် ခင်မင်စွာ(လွမ်း)

    ReplyDelete
  6. အသုံးအနှုန်းတွေလှတယ် အဓိပ္ပါယ်လေးနက်တယ်... ကဗျာကောင်းလေးတစ်ပုဒ်ကို လာဖတ်သွားတယ်...။ ခါးတဲ့ခေတ်လေး ချိုလာမယ့်တစ်နေ့တော့ရှိမှာပါ...။

    ReplyDelete
  7. ချစ်သူမရှိခဲ့ပေမယ့်လဲ အင်းလျားလမ်းတွေ၊ပုဂံလမ်းတွေ ကျောင်းလမ်းတွေကို လွမ်းမိပါတယ်ဗျာ

    ReplyDelete
  8. အင်း... လေးနက်တဲ့ အဓိပ္ပာယ်ရှိတယ် ဆိုတာတော့ သိတယ်။ ဒါပေမယ့် ဆိုလိုရင်းကို မမြင်ဘူး.. (ကိုယ့်ဟာကိုယ် ညံ့တာ ၀န်ခံသွားတာ :P)

    ReplyDelete
  9. နင့်မျက်ဝန်းကအပြုံးနဲ့၊ ငါ့နှလုံးသားကိုချည်ထားမယ်
    ဘာမှမပြောပဲလည်း၊ နားလည်ရဲရမှာပေါ့
    ငါတို့နေတဲ့ခေတ်ကိုက ခါးခဲ့ပြီပဲလေ။

    အဲဒီစာသားလေးကြိုက်တယ်အကိုရေ
    ကဗျာလေးအားပေးသွားတယ်။

    ReplyDelete
  10. တစ်ကြောင်းချင်း တစ်စုချင်းစီမှာ အဓိပ္ပါယ်တွေက တစိမ့်စိမ့်တွေးနေစရာပဲ။
    ဖွဲ့စည်းထားပုံလေး လှ တယ်။

    ReplyDelete
  11. မျက်မှန်အမဲတပ်အိပ်လိုက်မိတာ ကျိူးသွာလို့အေး)


    တစ်လုံးချင်းစီကိုသေချာခံစားဖတ်သွားတယ်
    အင်မတန်သေသပ်အဓိပါယ်ရှိနေတယ်

    အမ

    မဒိုးကန်

    ReplyDelete
  12. ကဗျာလေးက ဖတ်လို့ ကောင်းလိုက်တာ... ကိုယ်တွေကိုယ်တိုင်က ဒီခောတ်ထဲမှာ ရှင်သန်မွေးဖွားလာမိလျက်သားဖြစ်နေတော့ ဘယ်တတ်နိုင်မှာလဲ... ကိုယ်တွေကံပေါ့လေ... ကဗျာလေး ခံစားအားပေးသွားပါတယ်ညီ....

    ReplyDelete
  13. သန်လျင်သားJanuary 26, 2012 at 5:29 PM

    ကဗျာ ကောင်းတယ် ကိုအလင်းသစ်ရေ.. ဟုတ်တယ်.. တကယ့်ကို ခေတ်ကြီးက ခါးနေပြီဗျ...

    ReplyDelete

စာဖတ်သူရဲ့မှတ်ချက်တိုင်းဟာ၊စာရေးသူအတွက်အားတွေပါ။။