ချစ်သူရဲ့ ချစ်သူအကြောင်း

သူမနှုတ်ခမ်းက အပြုံးတစ်ပွင့်

ကျပျောက်တဲ့နေ့မှာ

ကျွန်တော့်ရင် အိုဇုံးလွှာပေါက်တယ်။။

 

 ပြဿဒါးရက်မှာမှ

ကိုယ်တိုင်ကောက်ရတဲ့ ရွှေရုပ်လေးရေ

ယတြာမချေတော့ပါဘူး

ငါ့ကို... ကြိုက်သလိုသာ 

ခိုက်လိုက်ပါတော့။။

ကမ္ဘာပြိုမျက်စောင်း တစ်ချက်အောက်

မထင်မရှား  ကွယ်ပျောက်ခဲ့ရတဲ့

မျှော်လင့်ခြင်းတစ်စုံကတော့ 

အကုန်ပြန်ရဖို့ မဖြစ်နိုင်တော့ပါဘူး။။

အချစ်နဲ့ နေ့နံမကိုက်လို့တဲ့

လွမ်းဆွတ်ခြင်းက ကျွန်တော့်ကိုရိုက်တယ်

ဗေဒင်ဆရာတွေကို မုန်းလိုက်တာ။။

အာစေးမိတဲ့ ဥသြငယ်က

နှလုံးသားကို ဧယင်ကျူးနေတဲ့ခဏ 

ကျွန်တော့်ရဲ့ ရွှေရုပ်လေးကတော့

အချစ်ကို သက္ကရာဇ်ဖြိုပြနေလေရဲ့။။

အနွေးထည်မလိုပဲ ရင်ခွင်တကာခိုတဲ့

ဆောင်းမလေးရေ...

ပက်ကြားအက်ရင်ခွင်ကိုမှ အက်စစ်မိုးရွာရက်တယ်

တဆစ်ဆစ်နဲ့ကို နာ...လို့။။

 

ဝေဒနာပေးတဲ့

ရွှေရုပ်လေးကြောင့်ပေါ့

အဟာရပြတ်တဲ့ နှလုံးသားက

အိပ်မက်တွေကို ငတ်မွတ်ခဲ့ရတယ်။။

သူထွက်သွားပြီးနောက်

နွေရာသီပျောက်တဲ့ ရင်ခွင်မှာ

ရွက်ခြောက်တောင် မကြွေတော့ပါဘူး။။

ရွှေရုပ်လေးရေ.....ငါက

အမှောက်တိုက်မှာမှ ကြယ်တစ်သိုက်ကိုပျိုးချင်သူ

ကိုယ့်ကိုကိုယ် ဆွဲခွာကြည့်တော့မှ

မြေသြဇာမရှိတဲ့ဘဝ

ချက်ချင်းကို မှောင်မိုက်ပြလိုက်တယ်။။။

လေးစားလျက်
အလင်းသစ်
၆.၈.၂၀၁၂ (တနင်္လာ)