အပိုင်း (၁)
"...သွေး..သွေးတွေ..သွေးတွေ.................."
အော်နေရင်းကအသံတွေပျောက်သွားတယ်။ သေချာကြည့်လိုက်ချိန်မှာ သတိလစ်နေပြီလေ။
"....ဟကောင် ဖိုးဇော် လုပ်ဦးဟ..ဘာဖြစ်တာလဲမသိဘူး..........
....ဆေးခန်းကို ပို့မှဖြစ်မယ်ဟ..."
ကျနော်တို့သူငယ်ချင်းသုံးယောက် သူ့ကိုဆေးခန်းပို့ပေးဖို့အပြေးအလွှားစီစဉ်လိုက်ရတယ်။
အရမ်းစိုးရိမ်သွားမိတဲ့စိတ်က ဂြိုလ်စောင်းကစီးကျနေတဲ့သွေးတွေကိုရော နာကျင်နေတာတွေကိုရော
ကျနော်မေ့သွားစေတဲ့ထိ ဖြစ်ပေါ်လာတာပါ။ဆရာဝန်ကသူ့ကိုဆေးတစ်လုံးထိုးပေးပြီးသိပ်မကြာခင်မှာ
သူပြန်သတိရလာတယ်။ခေါင်းမှာပတ်တီးနဲ့ ခန့်ညားနေတဲ့ ကျနော့်ကိုသေချာကြည့်ပြီး သူစကားသံလေး
ထွက်လာတယ်လေ။
"....မောင်ရယ်..ရန်ဖြစ်ပြန်ပြီနော်..." တဲ့။
ကျနော် မခန့်တဲ့အပြုံးတစ်ခုနဲ့သူ့ကိုပြောနေကျအတိုင်းပြန်ပြောလိုက်မိတယ်။
"....မမအနားကိုဘယ်ယောင်္ကျားမှကပ်မလာစေနဲ့လို့မောင်ပြောထားတယ်လေ..
....ကပ်လာရင်တော့ဆော်မှာပဲ...."
သူမျက်နှာလေးညှိုးသွားပြီး ပြောနေကျစကားလေးပဲ ပြောလာတာပါပဲ။
"....မောင်ရယ်..ဘယ်သူတွေကပ်လာလာ မမရင်ထဲမှာမောင်ပဲရှိတာလေ..မောင့်ကိုပဲ မမအရမ်းချစ်မိတာပါ...
...မမကိုချစ်ရင် နောက်ရန်မဖြစ်ပါနဲ့နော်..."
အဲဒီအချိန်မှာ ဖိုးဇော်ကကျနော်ကိုလာခေါ်လို့ အပြင်ထွက်လိုက်လာတော့ ဆရာဝန်ကလဲပြောနေကျစကားပါပဲ
ကျနော့်ကို ထပ်ပြောလာတယ်။
".... လူနာက နှလုံးရောဂါသမားနော် ညီလေးတို့..သူထိတ်လန့်စရာကိုခဏခဏတွေ့တာမကောင်းဘူးကွာ...
....ခုလိုဖြစ်ပြီးတိုင်းလဲ သူနာလံထူအောင် အတော်ပြန်ကုရတာညီလေးတို့သိရက်နဲ့ကွာ..သူ့အမေကြီးသာသိရင်
....နားမခံသာအောင် မင်းတို့အပြောခံရဦးမယ်..ဆင်ခြင်ကြပါဦးကွာ နော်....." တဲ့။
ဒီအဖြစ်အပျက်မျိုးလေးက ဒီပတ်ဝန်းကျင်မှာ သံသရာလည်နေတာလေ။ကျနော်တို့ ပျော်ပျော်နေတတ်တာ
မဟုတ်မခံနေတတ်တာကို ဆိုးတယ်လို့သတ်မှတ်ထားတဲ့ ပတ်ဝန်ကျင်လေးပေါ့။ကျနော်တို့မိဘတွေလဲ ဟိုလူ့တောင်းပန်ရ
ဒီလူ့တောင်းပန်ရနဲ့ အားတောင်မအားဘူး။ဒါလဲအမှတ်မရှိ ခဏခဏရန်ဖြစ်ကြတယ်လေ။ရန်ဖြစ်တိုင်းလဲ သူရောက်လာတာ
ပါပဲ။ရောက်လာတိုင်းလဲမူးလဲသွား။သူ့အမေကြီးသိတော့ ကျနော်တို့ကိုဆဲ။ဒီလိုနဲ့ပဲ..................................။
အပိုင်း (၂)
ခုတော့လဲ သူကျနော့်ဘဝထဲမှာမရှိတော့ပါဘူး။သူအပြီးအပိုင်ကို ထွက်သွားခဲ့တာလေ။ဒီလိုသာဖြစ်မယ်သိရင် အဲဒီနေ့လေးကို
အိမ်မှာပဲအိပ်နေပြီးဖြတ်သန်းခဲ့မိမှာပါ။ခုတော့လဲဗျာ..........။
"...ဟေ့ကောင်..ငထက် အိပ်နေတာလား..အေးမင်း မဲဆောက်ကပြန်ရောက်နေတယ်...စည်းစိမ်မှာစုံမယ်လို့ပြောသွားတယ်
....ဒိုးကြမယ်..........."
"....အေးခဏလေးစောင့်........"
မဲဆောက်မှာ အလုပ်လုပ်နေတဲ့ သူငယ်ချင်းပြန်လာတယ်ကြားတော့ သူငယ်ချင်းတွေ ဆုံနေကျ စည်းစိမ်ဘီယာဆိုင်လေးဆီ
ကျနော်တို့ထွက်လာခဲ့ကြတယ်လေ။သူငယ်ချင်းတွေ အတော်စုံတယ်အဲဒီနေ့က။သောက်ရင်းစားရင်း စကားတွေပြောနေကြ
ရင်းက မထင်မှတ်တဲ့ပြဿနာကဝင်လာတယ်။မျိုးကြီးကောင်မလေးကို လိုက်ကြောင်နေတဲ့ကောင်တွေကိုတွေ့လိုက်ရတာလေ။
မျိုးကြီးမျက်နှာကြည့်လိုက်ပြီးသဘောပေါက်တဲ့ကျနော်တို့ ရီဝေဝေနဲ့ဆိုင်ပြင်ကိုလှမ်းထွက်ဖို့အသင့်ဖြစ်နေပြီ။ယောင်္ကျားလေး
ချင်း မိန်းကလေးတစ်ယောက်အတွက်တွေ့ကြပြီဆိုထဲက ရန်ပွဲကစတာပဲလေ။အဲဒီထိကဘာမှမထူးခဲ့ပေမယ့် ကျနော်သတိမထား
လိုက်မိတာက သူ့ကျောင်းပြန်ချိန်ဆိုတာကိုလေ။ကျောင်းကြိုပို့ဖယ်ရီပေါ်က အပြေးတပိုင်းဆင်းလာတဲ့သူ့ကို ကျနော်တွေ့
လိုက်တဲ့အချိန်မှာ သူတစ်ခုခုဖြစ်သွားမှာ အရမ်းကိုစိုးရိမ်သွားမိတာပါ။ကံကြမ္မာကပဲရက်စက်တာလား ကျနော်ကပဲကံဆိုးတာလား
သေချာမသိလိုက်ချိန်မှာဗိုက်ညာဘက်ခြမ်းနဲ့ နဖူးမှာ ပူခနဲဖြစ်သွားတာပဲ ကျနော်သိလိုက်တယ်။သတိပြန်ရလာတဲ့အချိန်မှာ
မြင်နေရတာ အရင်ကျနော်တို့ ဆေးထည့်နေကျဆေးခန်းမဟုတ်ဘူးဆိုတာရယ် ကျနော့်ဘေးကလူတွေမျက်နှာမကောင်းကြ
တာရယ်ကိုသတိထားမိပေမယ့်သူတို့ကဆေးရုံရောက်နေတယ်ဆိုတာကလွဲပြီးဘာမှပြောမပြခဲ့ကြဘူးလေ။
အနာကျက်ဖို့တစ်ပတ်လောက်တော့ကြာသွားတယ်။ဆေးရုံကဆင်းမယ့်နေ့ကျမှ ကျနော်မရအရမေးလို့ ဖိုးဇော်ကပြောပြတယ်။
အဲနေ့က ကျနော့်ကိုရှေ့ကကောင်ကတုတ်နဲ့ဆော်ပြီးဘေးကကောင်က သံချွန်နဲ့ပြေးထိုးတာကိုတွေ့ပြီး သူသတိလစ်သွားတာ
၃ ရက်နီးပါးကြာသွားတယ်တဲ့။ခုထိလဲမသက်သာသေးဘူးတဲ့။ကျနော့်ရင်တွေပူလိုက်တာဗျာ။ကျနော်သူရှိနေတဲ့ ဆေးရုံဆီ
သူငယ်ချင်းတွေလိုက်ပို့ခိုင်းပြီးချက်ချင်းလိုက်သွားခဲ့တယ်။သူ့အမေကြီးလဲမျက်ရည်တွေနဲ့ ပုတီးစိပ်နေတာတွေ့ရတယ်။
သူ့ဆွေမျိုးတွေမျက်နှာလဲမကောင်းဘူး။ကျနော်သူ့အနားကပ်သွားတော့ သူ့ဘေးကအဒေါ်က သူ့ကိုတိုးတိုးလေးကပ်ပြော
လိုက်တယ်။သူ့မျက်လုံးလေးပွင့်လာတယ်။ကျနော်မမြင်ရက်ဘူးဗျာ။အဲဒီမျက်ဝန်းလေးကို ခုထိကိုမေ့မရလို့ ကျနော် ရူးမတတ်
ခံစားနေရတာပါ။သူလက်လေးကို ကမ်းပေးလို့ကျနော်ဆုပ်ကိုင်ထားမိတယ်။သူ့အခြေအနေအတော်ဆိုးတာ သိသာပေမယ့်
ဒီလိုမျိုးထိတော့ကျနော်မထင်ထားမိပါဘူးဗျာ။သူကျနော်လက်ကိုကိုင်ပြီး စကားတစ်ခွန်းပဲ ပြောသွားတယ်။ပြီးတော့ သူလေ
လောကကြီးကိုရော သူ့ဆွေမျိုးတွေကိုရော ပြီးတော့ ကျနော့်ကိုရော လုံးဝကိုထားသွားခဲ့တာလေ။တစ်ခွန်းဆိုတစ်ခွန်းထဲပါဗျာ။
"......မောင် ရန်မဖြစ်ပါနဲ့တော့နော်....." တဲ့။
အပိုင်း (၃)
ခုဆိုကျနော်အရင်ကလို မပေတော့ပါဘူး။မတေတော့ပါဘူး။မဆိုးမမိုက်တော့ပါဘူးဗျာ။သူ့ကို ပြန်ခေါ်ပေးနိုင်ရင် ခေါ်ပေးကြပါ။
ကျနော့်အတွက်သူအရမ်းကိုလိုအပ်နေလို့ပါ။သူမရှိတော့တဲ့အချိန်ကျမှ သူမကြိုက်ဘူးဆိုတာတွေကို ကျနော်အကုန်လုံး
ရှောင်ခဲ့တာလေ။သူမသိတော့ပါဘူးဗျာ။သူမသိနိုင်တော့ပါဘူး။ကျနော် သူ့ကိုချစ်တာတွေ သူမသိတော့ပါဘူး။
ကျနော်သူ့ကိုလိုအပ်တာသူမသိတော့ပါဘူး။သူသိပ်ကိုမြင်ချင်တွေ့ချင်ခဲ့တဲ့ သူ့ချစ်သူရဲ့ တည်တည်တံ့တံ့ပုံစံကို သူလေ
မမြင်မသိနိုင်တော့ပါဘူးဗျာ။သူဘာကိုမှ မသိမမြင်နိုင်တော့ပါဘူး။။။။။။။။။။
"...ရင်မှာလွမ်းရင်မျှော်တိုင်းမြင်လို့..
...လက်ညှိုးညွှန်ရာ သူဖြစ်စေသား ဆုတောင်းထားလည်း..
...ဆုတောင်းမပြည့် အလွမ်းငွေ့ကြောင့် မျက်ဝန်းဆီမှာ လွမ်းမိုးရွာသည်..
...သူသာသိလျှင်.....သူသာသိလျှင်....................................................."။။။။။
လေးစားလျက်
အလင်းသစ်
5.6.2010
No comments:
Post a Comment
စာဖတ်သူရဲ့မှတ်ချက်တိုင်းဟာ၊စာရေးသူအတွက်အားတွေပါ။။